Author Description

Ik snack Platt, du ok?Weetst du dat noch? Vör twintig Johr harrn wi all denn lüttjen Upklever,,Ik snack Platt, du ok?" an uus Auto backt, un vondogen kiekt de Lü heel verdutzt, wenn du mit jem Plattdüütsch snacken wullt. Sünd de Plattsnacker bold all uutsturben? Up`n Lannen gifft dat jo foken noch plattdüütsche Teaterspeler, un ik frei mi dor düchtig to, aver wi brükt doch veel mehr Schoolmester, de Plattdüütsch wietergeven köönt.Wi mööt uk in de Familje anfangen, mehr Platt to schnacken! -- Dat gifft uk wunnerbore plattdüütsche Spelen up`n Markt. Mi gefallt besünners: Wat mutt, dat mutt! Use Kinner köönt vondogen jo al von de veerte Klass an Engelsch lihren, un dorüm köönt se uk use beiden Spraaken, Hoch - un Plattdüütsch fein mit de englische Spraak verglieken!Wat mookt dat för 'n Spooß, verwandte Wöör to söken! Wenn wi in Hochdüütsch dree Artikel (der - die - das) nödig hebbt, so gifft dat up Plattdüütsch bloots twee (de, dat), in Engelsch bloots enen! De Englänner schrievt al Hauptwöör lüttjet.De Uutsprook in Engelsch mött 'n richtig studeern, aver Platt kannst bold so lesen at dat schreven is! Bloots mark di, dat Duppel -aa warrt jümmer dump uutsnackt, dat meent, Aal un Straat ward Ool un Stroot uutschnackt!