Author Description

En Casa de bonecas, a súa obra máis emblemática, Ibsen aborda a situación social da muller procurando describir a personalidade desde unha perspectiva psicolóxica. A obra conta a historia de Nora Helme, unha muller felizmente casada cun avogado co que ten tres fillos. Ela descobre como o seu idílico universo familiar se derruba se non adopta medidas e se non afonda na súa independencia persoal e na súa propia capacidade para gobernar a súa vida e a súa existencia persoal. Casa de bonecas foi unha revolución para a sociedade do seu tempo e o personaxe Nora configurouse como un exemplo a seguir.